Наместо во Примера или во француската Лига 1, еден од најбараните ликови на фудбалскиот пазар во моментот ќе продолжи во Серија А. Како што пренесува холандски „Де Телеграф“, Матијс де Лихт (19) од наредната сезона ќе биде член на Јувентус со што е исполнета и една од желбите на Кристијано Роналдо за летниот преоден рок.
Тинејџерот кој во четврт-финалето на ланското издание на Лигата на шампиони ја елиминира токму „старата дама“ ќе добие договор на пет години, неговата плата по сезона ќе изнесува меѓу 15 и 20 милиони евра, а Ајакс, чиј капитен беше досега, ќе заработи 70 милиони евра од трансферот. За Де Лихт до неодамна се сметаше дека со сигурност ќе оди во Барселона, но таквата можност пропадна бидејќи, како што пишуваат медиумите, Каталонците одбиле да вметнат клаузула дека Холанѓанецот ќе биде стартер во најголем број од натпреварите.
Со трансферот во Јувентус, Де Лихт ќе стане втор најплатен играч во Серија А по Кристијано Роналдо кој заработува 30 милиони евра по сезона.