Ги знаеме новите цени на производите. Редовно ја следам ситуацијата, иако сум на пат, посебно откако завршија кризните мерки. Цената на зејтинот е 158-160 денари, што е прилично висока. Заедно со сите надлежни институции ги следиме производствените цени за тие производи, кои се произведуваат во нашата земја. Немаме влијание кон извозните производи, рече министерот за економија, Крешник Бектеши во емисијата „24 анализа“.
Министерот во однос на новото покачување на цените истакна дека се чека да се усвои ребалансот на буџетот каде се предвидени сретства за креирање на новите мерки.
– Не помина ниту една недела откако одредени производи се зголемија, но тоа е само во делот на тестетнините и на некои други производи, на маслото за јадење вратен е само процентот од делот на ддв-то. Освен објава на фирмите, ќе донесеме заклучок за сите инспекторати да излезат на терен и да проверат дали цените вештачки се зголемени. Има одредени компаниии кои вештачки ги зголемиле цените над 70 отсто со цел да ја искористат ситуацијата на грбот да граѓаните. Не сакаат да се откажат од ниту еден процент во делот на профитот, рече Бектеши.