Во Белгија денеска е прогласен Ден на жалост во сеќавање на жртвите од поплавите од минатата недела. Досегашниот биланс од невремето што го зафати истокот и југот на земјата е 31 загинато лице.

Точно на пладне сите знамиња ќе бидат спуштени на половина копје, ќе има едноминутен молк во целата држава, додека сите сирени на спасувачките служби ќе бидат вклучени. Седумдесет лица сè уште се водат за исчезнати и по нив и натаму се трага, а многу куќи се целосно уништени.

Кралот Филип Втори, премиерот Де Кро и неколку министри ќе посетат дел од најпогодените места, ќе се сретнат со погодените лица, со пожарникари, со полиција и со локалните власти.

Јавниот превоз исто така ќе застане целосно помеѓу 12 и 12:01 часот.