Влијанието нa конфликтот во Украина врз економијата, како и ценовната и енергетската криза ќе бидат главните теми на кои ќе се разговара на пролетните средби на Меѓународниот монетарен фонд и Светската банка, кои оваа седмица се одржуваат во Вашингтон, а на кои ќе учествува делегација од Македонија предводена од министерот за финансии Фатмир Бесими и гувернерката на Народната банка Анита Ангеловска-Бежоска.
Бесими во Вашингтон ќе се сретне со извршниот директор на ММФ Пол Хилберс, шефот на и со шефот на мисијата на ММФ за Македонија Бергјот Бјорнсон Баркбу. Состаноци ќе има и со регионалниот претставник за Западен Балкан Штефани Ебле и директорот на одделот за Европа на ММФ Алфред Камер, како и со извршниот директор на Светска банка Кун Давидсе, потпретседателот на Светска банка Ана Бјерде, и со регионалниот директор за Западен Балкан Линда Ван Гелдер и директорот на Светска банка за земјава, Масимилијано Паолучи.
Во рамките на посетата, министерот за финансии ќе има средба и со специјалниот претставник на САД за Западен Балкан, Габриел Ескобар. (С.К.)