Лионел Меси стана најтрофеен фудбалер во историјата на Барселона. Новиот капитен на Каталонците стана „бесмртен“ на „Камп Ноу“ по триумфот над Севилја (2:1) во Мароко за 13. клупска титула во шпанскиот Суперкуп.
Аргентинецот го симна Андерс Иниеста од вечната листа на најтрофејни играчи на Барса. Последниот освоен пехар е негов 33. во 13. години колку што е дел од шпанскиот гигант, период во кој освои девет шампионски пехари во Примера, осум во Суперкупот на Шпанија, шест во Купот на Шпанија, четири во Лигата на шампиони и по три во европскиот Суперкуп и на Светското клупско првенство.
На листата на најтрофејни фудбалери на Барселона, по Меси, следуваат Иниеста со 32. титули, Жерар Пике со 28 колку што има и Серхио Бускетс, Чави и Дани Алвеш имаат по 24, Виктор Валдес и Карлес Пужол освоија по 21, Педро Родригез има 20, Хозе Рамон Алечанко и Гилермо Амор имаат 17, итн.
Барселона ја совлада Севилја со 2:1 во мечот за титулата во шпанскиот Суперкуп што се одигра „Гранд Стад де Тангер“ во Мароко. Сарабија погодија во деветтата минута за Андалузијците, Пике во 42. минута и Дембеле во 78. минута за Каталонците.