Светот е исправен пред пандемии кои ќе бидат многу полоши од коронавирусот, изјави основачот на Мајкрософт Бил Гејтс , кој ги повика Владите да се подготват и да издвојат милијарди за борбата со следната глобална епидемија, пишува Фајненшл Тајмс.

Омикрон и Делта се најзаразните вируси што досега сме ги запознале смета Гејтс.  но светот ќе се соочи со посмртоносни и со потешки инфекции во иднина. Филантропите и богатите Влади треба да се справат со ситуација на недостиг и тежок пристап до вакцини како што беше ситуацијата насред епидемијата на Ковид во светот, смета милијардерот. Коалицијата за иновации за готовност при епидемии понуди да подари 300 милиони долари од фондацијата на Бил и Мелинда Гејтс и од фондацијата Wellcome Trust , која се наоѓа во Велика Британија.Коалицијата учествува во програмата Ковакс, која што помага за доставување на вакцини за земјите со ниски и со средни приходи,  а само вчера Ковакс побара над 5 милијарди долари за зголемување на контингентот на вакцини со кој располага.

Гејтс прогнозира дека наскоро до средината на оваа година, пандемијата на коронавирусот во светот би требало да заврши. Дотогаш бројот на смртни случаи и на заболени ќе се сведат на ниво на сезонски грип, кажа основачот на Мајкрософт.

За да може човештвото да се справи со идните пандемии, треба да може да создаде вакцини за нив, во рамки на 100 дена.