ЦСКА Москва и Баер Леверкузен одиграа 1:1 во првиот меч од денешната програмата во фудбалската Лига на шампиони. „Фармацевтите“, кои настапија со најмлад тим во историјата на елитното натпреварување, поведоа во 16 минута преку Фоланд, „армејците“ израмнија во 76 минута од пенал преку Начо. Иако бундеслигашот имаше водство во најголем дел на „ЦСКА арена“ на крајот може да биде и задоволен што заминува од Русија со еден бод имајќи ја предвид офанзивата на домашните што, сепак, остана некрунисана со гол за целосен резултатски пресврт.
Ремито во Москва значи елиминација на ЦСКА од можен пласман во осминафиналето во Лигата на шампиони. Баер Леверкузен, пак, со победа вечерва ќе обезбедеше место во топ 16 што сега е принуден да го брка против Монако на домашен терен во последното коло.
https://www.youtube.com/watch?v=ALmWgLinnsU
Во моментот се играат уште седум средби од петтото коло во ЛШ
Динамо Загреб – Олимпик Лион
Севилја – Јувентус
Лестер – Бриж
Копенхаген – Порто
Борусија Дортмунд – Легија Варшава
Спортинг Лисабон – Реал Мадрид
Монако – Тотенхем