Published: Thursday, July 15, 2021 10:34
Властите во Колумбија, во заедничка операција со колегите од Панама и од САД, запленија 5,4 тони кокаин, во вредност од 185 милиони долари. Моторниот чамец со кој се превезувала дрогата бил забележан од панамските служби, а кога впловил во колумбиските територијални води бил пресретнат колумбиската крајбрежна стража, соопштија колумбиските власти.
На глисерот биле пронајдени 81 вреќи со кокаин, а во брегот биле скриени уште 147 пакети со дрогата. Кокаинот припаѓал на криминалната банда Клан дел Голфо, чиј лидер Дарио Антонио Усуга, познат како Отониел, е еден од најбараните наркодилери во Колумбија.
Колумбиските безбедносни сили во 2020 година запленија околу 505 тони кокаин.