Усеин Болт честопати ја истакнувал својата љубов кон фудбалот меѓутоа овојпат отиде и чекор подалеку. Атлетичарот од Јамајка јавно сподели желба да ги замени спринтерките со копачки и да се обиде на зелениот терен.
„Името на клубот не е важно. Не е важно дали е премиерлигаш. Да, би сакал да добијам прилика да видам до каде сум. Би бил воодушевен во таква ситуација“, рече најбрзиот човек на планетата, сопственик на девет златни олимписки одличја и на светскиот рекорд на 100 метри во интервју за француски „Лекип“.
И тоа не е се. Иако без никакво искусто, Болт, сепак, изрази верба дека поседува повеќе играчки вештини од некои професионални фудбалери.
„Често гледам фудбалски натпревари. Некои од играчи не се добри како што би бил јас. Мора да организираме некој вид на тест на моите можности“, вели Јамајчанецот со голема доза на самодоверба.
Во секоја прилика, кога е прашан на фудбалски теми, ја потенцира својата љубов кон Манчестер јунајтед. Голем фан е на „црвените ѓаволи“ и воопшто не би размислувал во случај на покана од „Олд Трафорд“.
„Се би прекинал во моментот на повик од Јунајтед и би седнал во првиот авион за Англија. Верувам во Мурињо, тој препознава таленти“, ни насмевка рече Болт.