Сергеј Португалов, спортски доктор од Русија, е казнет со доживотна суспензија од Судот за арбитража во Лозана (ЦАС), откако беше обвинет за снабдување на спортисти со недозволени средства.
При соопштување на одлуката од ЦАС додадоа дека постојат јасни докази против Португалов пришто е прогласен за виновен за кршење на неколку членови на анти-допинг програмата на Интернационалната атлетска федерација (ИААФ) вклучувајќи и поседување и растурање на забранети препарати.
Португалов, кој во минатото беше и шеф на медицинската комисија при атлетскиот сојуз на Русија, се провлекуваше и во извештаите на Светската анти-допинг агенција (ВАДА) од 2015 година. Тпгаш беше обвинет дека препишвал забранети супстанци на спортисти, а некои дури и самиот си ги вбризгувал во замена за дел од нивните парични награди.
Агенцијата притоа нагласи дека рускиот доктор „во целост го занемарил здравјето и доброто за спортистите“.