Фудбалерот што ја осигура шампионската титула за Германија на Светското првенство во Бразил во 2014 година е принуден да ја прекине кариерата во 25 година од животот. Причината е од здравствена природа. Кај Марио Геце е дијагностицирано метаболичко нарушување поради се соочуваше со проблеми да одржи оптимална телесна тежина во последните неколку години.
„Прегледите покажаа дека Марио има метаболичко нарушување. Тој веднаш ќе прекине со секакви физички активности“, се наведува во соопштението на Борусија Дортмунд, клуб за кој настапува германскиот репрезентативец.
Се започна со хронична повреда на мускулот по што младиот играч беше подложен на детални анализи. Засега е непознато што го очекува Геце и колкав период ќе отсуствува од фудбалските терени. Според Ханс Јоаким Вацке, претседател на „милионерите“, тоа сигурно нема да биде кратка епизода.
„Билд“ пишува дека главен проблем кај Геце е лошото согорување на маснотиите во организмот. Тоа му создаваше со прекумерна тежина што се одразуваше и на тренинзите и на ефектот во тимот за време на натпреварите. Германски стручњаци веруваат дека во прашање е метаболичка миопатија што влијае на заболување на мускулите и го нарушува процесот на размена на материи во човечкиот организам.
Геце, пак, ја коментира состојбата во која западна во дух на професионален спортист.
„Моментно сум под терапија. Ќе вложам максимум напори за што поскоро враќање во екипата како би можел да помогнам во остварување на зацртаните цели“, порача фудбалерот со 62 настапа на репрезентацијата на Германија и 167 настапи во бундеслигашката конкуренција за Баерн Минхен и за Борусија Дортмунд.