Во органозациоја на Друштвото на филмските работници на Македонија – ДФРМ, на 20-ти септември во Битола ќе биде отворенно 46-тото издание на филмскиот фестивал „Браќа Манаки“.
Најавени се повеќе од 150 интернационални и домашни гости, врвни филмски уметници и филмски автори. Во официјалната програма ќе се прикажат над 40 филмови.
Годинашен добитник на „Златна камера 300“ што фестивалот ја доделува за специјален придонес во за особен придонес во филмската уметност ќе му биде доделена на наградуваниот турски режисер Семих Капланоглу, а наградата „Голема ѕвезда на македонскиот филм“, што ја доделува Друштвото на филмските работници на Македонија -ДФРМ, годинава ќе му биде врачена на филмскиот композитор Кирил Џајковски.
Џајковски е филмски композитор, но пред се познат скопјанец, творец на културната сцена и културниот профил на нашиот град и на нашата држава, рече на денешната прес конференција Претседателот на ДФРМ Игор Иванов – Изи.
Го знаеме од неговиот бенд „Бастион“, потоа се појави во „Леб и сол“ во албумот „Како какао“ и направи еден извонреден исчекор за овој скопски бенд, потоа почна да работи на театарски претстави и на филмското платно, а за неговите диџејски и соло проекти воопшто да не зборуваме. Синоним за современиот македонски звук, Џајковски е еден од најзначајните композитори и продуценти, познат по спојот на традиционални балкански мотиви со современи електронски ритми. Музиката на Џајковски е составен дел од најгледаните македонски филмови, меѓу кои „Бал-кан-кан“ и „Трето полувреме“ на Дарко Митревски, „Прашина“,,Врба” и ,,Сенки” на Милчо Манчевски, „Големата вода“ и „Пиарги“ на Иво Трајков (за „Големата вода“ ја доби наградата за најдобра музика на Фестивалот во Валенсија), како и „Балканот не е мртов“ на Александар Поповски, рече Игор Иванов.
На фестивалот ќе има и кратка програма, документарна, студентска, а се враќа и програмата каде ќе се прикажуваат и филмови од македонската продукција.