Ѕвездата пристигна, 39. издание на Интернационалниот фестивал на филмска камера „Браќа Манаки“ во Битола може да почне. Легендарната италијанска актерка Клаудија Кардинале од претпладнево е во Градот на конзулите каде вечерва ќе присуствува на свеченото отворање на настанот.

Кардинале во Битола е во придружба на нејзината ќерка Клаудија на кои срдечно добредојде им посакаа Гена Теодосиевска, директорка на фестивалот и Благија Куновски-Доре во својство на уметнички директор на „Браќа Манаки“.

Високата гостинка од Италија вечерва ќе прошета по црвениот тепих до Центарот за култура каде
свечено ќе и’ биде врачена наградата „Златна камера 300“ за особен придонес во светската
филмска уметност. Освен неа, во Битола, синоќа пристигна и Роџер Дикинс, лауреатот на „Златна камера 300“ за животно дело, кој во Битола дојде со сопругата Изабела.

Во меѓувреме привршуваат последните подготовки за гламурозниот фестивал, се поставува
црвениот килим, а во Битола пристигнуваат голем број филмаџии од Македонија и од
странство.