Европската унија oчекува „брзо формирање на нова влада“, изјаво Портпаролката на Европската комисија, Маја Коцијанчич.
Изјавата дојде откако претседателот на Ѓорге Иванов денеска му го предаде мандатот на лидерот на ВМРО-ДПМНЕ Никола Груевски за формирање влада.
Коцијанчич го повтори познатиот став дека Брисел ја следи ситуацијата во Македонија, очекува влада и реформи:
– Во оваа фаза, единствено што можам да кажам е дека ние одблиску ја следиме ситуацијата. Како што рековме во минатото, ние, во рамки на уставните рокови, очекуваме брзо формирање на нова стабилна влада. Ние, исто така, сакаме да видиме итна имплементација на реформите, решавање на прашањата за системското владеење на правото, исто и преку итните реформски приоритети и преку продолжена имплементација на претходните политички договори. Во овој контекст, ние ќе продолжиме да ја поддржуваме земјата на нејзиниот европски интеграциски процес. Тоа е се што можам да кажам во моментов – потенцираше Коцијанчич.