Рок од три месеци и даде Европската комисија на Полска. Рок во кој земјата ќе мора да ги врати сите норми на правната држава кои се под закана поради реформите за работата на Уставниот суд.
Франс Тимерманс, потпретседател на Европската комисија (ЕК) вчера предупреди дека полската влада не ги применува европските препораки:
“И покрај дијалогот со полските власти од почетокот на оваа година, ЕК смета дека главните точки кои се закана за правната држава во Полска се уште не се решени”, рече Тимерманс.
За ситуацијата во Полска се загрижени и САД а Барак Обама тоа лично му го пренесе на полскиот претседател Дуда.
Проблем е новиот закон за Уставниот суд кој отвора широка порта преку која властите ќе можат во овој суд да поставуваат судии кои и се верни и послушни на власта. Закон кој е ризик за независноста на овој суд.
Полска беше демократски модел помеѓу поранешните екс советски сателити и помеѓу новите земји членки на ЕУ. Но, денес, со доаѓањето на власт на конзервативната партија Право и правда и со доаѓањето на Анджеј Дуда во претседателската фотелја на земјата во 2015 година, почнаа реформи кои се закана за демократијата.
Од влезот во ЕУ во 2004 година Полска имаше економски раст од 4,3 отсто до 2014 година, вредности кои се идеалот на ЕУ и кои ретко која земјата успеваше да ги оствари.
Над 250.000 луѓе демонстрираа во Полска против реформата на Уставниот суд во мај годинава.
Според пратениците од опозцијата, новата власт сака да ја парализира последната независна институција во Полска.
Некои од забелешки на ЕК без прифатени од полската влада па така двотретинското мнозинство за усвојување на одлука беше отфрлено. Сепак ЕК не е задоволна. Тимерманс изјави дека “Уставниот суд и понатаму нема да може да има ефикасна уставна контрола”.