Велика Британија ги укинува ковид мерките. Заштитните маски нема да бидат задолжителни, а правилата за дистанцата ќе бидат укинати. Ова денеска го потврди британскиот премиер Борис Џонсон. По 16 месечните рестрикции во Англија се укинува и упатството за работа од дома. Британскиот премиер соопшти дека ќе се укинат сите лимити на посетители во внатрешните и во отврените објекти.
– Ќе дозволиме повторно да се отворат бизнисите, вклучивајќи ги и ноќните клубови. Ќе ги укинеме ограничувањата на посетителите на театрите, концертите и на спортските настани, рече британскиот премиер Борис Џонсон.
Законските ограничувања во борбата против Ковид-19 треба да бидат укинати на 19 јули, а одлуката за тоа се очекува на 12 јули во зависоност од епидемиолошката состојба.
Во Велика Британија со прва доза вакцинирани се 86% од возрасното население, според владините податоци. Според страницата „Our World In Data“, со првата доза до 2 јули се вакцинирани 66,5% од вкупното население во Велика Британија.