Македонските, црногорските, албанските и државјаните на БиХ од 1 јуни ќе може да влезат во Србија без обврска да имаат негативен ковид тест, истакна српската премиерка Ана Брнабиќ во најавата за либерализација на режимот на државните граници.
„За државјаните на овие земји нема потреба од овие тестови. Тие ќе влегуваат во Србија како и пред појават на ковид-19“, изјави српската премиерка.
За странците од другите земји засега останува во сила обврската да имаат валиден негативен ПЦР тест на коронавирус и одобрување на владина комисија при преминување на границата, изјави Брнаабиќ, додавајќи дека странските државјани, доколку се особено важни за српската економија, можат да влезат и без негативен ПЦР тест.
„Комуницираме со Стопанската комора на Србија и со сите странски амбасади и стопански комори. Во тој случај странските државјани добиваат посебна дозвола за ограничено движење, од хотелот до работното место“, кажа Брнабиќ.
Кога станува збор за српските државјани, таа изјави дека тие можат да влезат и да ја напуштат Србија кога сакаат.
„Не постојат никакви лимити. Тие не мора да бидат во самоизолација, односно можат нормално да влезат и да се движат, доколку имаат негативен ПЦР тест на влез во земјата“, изјави Брнабиќ.
Таа најави дека Кризниот штаб денеска ќе го разгледа прашањето за можно отворање и на административните премини меѓу Србија и Косово.