Published: Saturday, September 22, 2018 19:02
Нуркачите денеска спасија еден маж од бродот што во четвртокот се преврти во езерото Викторија во Танзанија. Бројот на жртвите во несреќата, според најновите податоци, се искачи на 207 луѓе.
Траектот потона во четвртокот навечер на само неколку метри од пристаништето на Укерве, најголемиот остров на езерото Викторија. Се претпоставува дека на бродот имало над 300 лица.
Танзанскиот претседател Џон Магуфули вчера нареди апсење на одговорните за бродоломот.
На истото езеро во Танзанија во 1996 година во бродска несреќа загинаа најмалку 500 луѓе.
Бродските несреќи се честа појава на езерото Викторија пришто сопствениците на бродовите не ги запазуваат стандардите за пловидба.