Кошаркарите на Црвена звезда го победија тимот на Будуќност со 97:54 (по четвртини: 18:13, 29:8, 27:16, 23:17) во петтиот меч во финалната серија во АБА лигата за конечни 3:2 четврти трофеј во регионалното натпреварување и враќање во Евролигата. Со ова белграѓани се реваншираа на црногорскиот претставник за поразот во ланското финале за титулата. За најкорисен играч во плејоф финалето е прогласен Били Берон.
По тензиитее во Подгорица во третиот и четвртиот натпревар што им припаднаа на кошаркарите на Будуќност, немили сцени и вечерва во салата „Александар Николиќ“ во Белград. Фрлање со тврди предмети кон гостинските играчи и влегување во терен на мала група на навивачи на „црвено-белите“ го одложија почетокот на натпреварот за еден час.
Црвена звезда покажа демонстрација на сила, на моќ, на квалитет. Во тој контекст и вкупната разлика од 100 коша во трите победи на домашен терен со Будуќност иако играше без Џо Регланд и Страрос Перпероглу. Така беше и вечерва. Од првата минута беше подобар ривал на паркетот, а победникот беше решен со извонредна игра во двата правца во втората четвртина. Домашните заминаа на одмор со убедливи 26 поени разлика како навестување за комплетно распаѓање на Будуќност во Белград.
Белградските „црвено-бели“ во еден момент имаа и плус 42 коша, па речиси целиот последен период од средбата беше искористен за предвремен почеток на прослава на титулата и кам-бек во евролигашкото друштво. Она што е интересно е дека ова е прв освоен трофеј на Црвена звезда по двата што претходно ги освои во Загреб и последниот во Сремска Митровица.
АБА лига
Финална плејоф серија
Петти меч: Црвена звезда – Будуќност 97:54
Четврти меч: Будуќност – Црвена звезда 84:80
Трет меч: Будуќност – Црвена звезда 80:72
Втор меч: Црвена звезда – Будуќност 107:69
Прв меч: Црвена звезда – Будуќност 91:72