Вицепремиерот за европски прашања Бујар Османи и министерот за образование и наука Арбер Адеми се негативни на ковид-19. Тие денеска на своите Фејсбук профили објавија дека се негативен на првиот тест што им бил направен.
„По една недела изолација, првиот тест за ковид-19 е негативен. Врз основа на одлуката ми требаат уште седум дена за да останам во изолација, а потоа и вториот тест“, напиша вицепремиерот Османи.
Министерот Адеми кој, исто така, информира дека е негативен, се заблагодари на сите за поддршката и посака брзо закрепнување на сите заболени.
„Апелирам до сите граѓани да ги почитуваат препораките, да останат дома, да внимаваат на хигиената и да одржуваат меѓусебно растојание од два метра“, напиша Адеми.
Османи и Адеми заедно со премиерот Оливер Спасовски и министерот за здравство Венко Филипче беа во самоизолација, откако имаа средба со градоначалникот на Куманово кој е позитивен на ковид-19.