Фудбалерите на Хофенхајм трипати погодија статива и еднаш пречка од голот на Мајнц, но не успеаја да слават на домашен терен во 17., последно, коло од првиот дел на сезоната во Бундеслигата. Мечот на „Вирсол Рајн Некар арена заврши без победник (1:1) што е шесто реми во низа на домашните по дуелите со Херта (3:3), со Шалке (1:1), со Волфсбург (2:2), со Борусија Менхенгладбах (0:0) и со Вердер (1:1).
Се што резултатски се случување на тревникот заврши во 16. минута. Хофенхајм поведе со погодокот на Демирбај во 11., гостите израмнија преку Матета по што мрежите останаа да мируваат до крај и покрај офанзивната фудбалска претстава и неверојатните промашувања на еден од германските претставници во групите од Лигата на шампиони.
Во вториот меч од денешната програма, Волфсбург славеше на гостувањето кај Аугсбург со 3:2. По овие два меча почна зимскиот распуст во Бундеслигата која продолжува на 18 јануари.
Бундеслига, 17 коло
Хофенхајм – Мајнц 1:1
Аугсбург – Волфсбург 2:3
Ајнтрахт Франкфурт – Баерн Минхен 0:3
Штутгарт – Шалке 1:3
Лајпциг – Вердер 3:2
Нирнберг – Фрајбург 0:1
Хановер – Фортуна Дизелдорф 0:1
Баер Леверкузен – Херта 3:1
Борусија Дортмунд – Борусија Менхенгладбах 2:1
Табела: Борусија Дортмунд 42, Баерн Минхен 36, Борусија Менхенгладбах 33, Лајпциг 31, Волфсбург 28, Ајнтрахт Франкфурт 27, Хофенхајм 25, Херта 24, Баер Леверкузен 24, Вердер 22, Фрајбург 21, Мајнц 21, Шалке 18, Фортуна Дизелдорф 18, Аугсбург 15, Штутгарт 14, Хановер 11, Нирнберг 11.