Милијардерот и претседател на движењето АНО ( на чешки „Да“) Андреј Бабиш, познат како „чешкиот Трамп“ на пат е да победи на парламентарните избори во Чешка што се одржуваат денеска и утре, според анкетите кои укажуваат дека антиевропските партии во земјата стануваат се попопуларни.
Бабиш во последната дебата со ривалот, министерот за надворешни работи на Чешка, социјалдемократот Лубомир Заоралек, говореше за своите антиевропски и антимигрантски ставови, и против корупцијата.
Иако е обвинет за измама, во последната анкета имаше поддршка од 25 до 30 отсто од гласачите, со што тој е далеку пред социјалдемократите, кои според анкетите имаат околу 12,5 отсто поддршка.
-Потребен ни е максимален број гласови, народот мора да гласа, да сфати дека ова е од суштинско значење за судбината на нашата држава. Не сакаме квоти, не сакаме мигранти овде, сакаме да ја запреме миграцијата и да добиеме премиер кој ќе и каже на госпоѓа Меркел и на господинот Макрон дека решението лежи надвор од Европа. Ние сме кобнтра традиционалните партии и би сакале да им покажаме дека владата може да се води и на поинаков начин, од оној на кој нашиоте граѓани се навикнати, рече Бабиш.
Сите анкети укажуваат дека Бабиш ќе победи и покрај скандалите кои го следат, како што е обвинението дека проневерил европски субвенции, како и соменжите дека бил агент на комунистичката полиција во некогашната Чехословачка.
-Очекувам дека ќе дојде до тешка постизборна ситуација, можеби дури и до хаос, бидејќи резултатите на Андреј бабиш нема да бидат толку спектакуларни колку што се очекува. Неодамнешните скандали сепак ќе остават трага, вели независбниот аналитичар Јиржи Пехе за АФП, додавајќи дек забележал знаци на нестабилност.
Слабите изборни резултати ќе го натераат Бабиш да преговара со неколку партии и некои од нив ќе го одбијат за позицијата премиер, поради скандалите, објаснува Пехе.
Заоралек во интервју за АФП изјави дека се надева дека ќе формира влада, игнорирајќи ги податоците од анкетите.