Александар Зверев, Жо Вилфред Цонга, Каролина Возњацки и Доминика Цибулкова го завршија учеството на Ју-Ес опен во второто коло. Изненадување на третиот натпреварувачки ден приреди Хрватот Борна Чориќ кој во четири сета (3:6, 7:5, 7:6, 7:6) го елиминира младиот германски тенисер кој беше поставен за четврти ноистел на последниот гренслем во сезоната. Негов нареден ривал во Њујорк ќе биде Кевин Андерсон од Јужна Африка.

„За мене се неколку тешки месеци во кои имав проблеми со повреди и со игра. Оваа победа многу ми значи. Ќе влее многу самодоверба во мене иако немаше да умрам ако загубев. Ова е, сепак, само еден меч и среќен сум како го одиграв“, изјави 20 годишното момче од Загреб по елиминацијата на тенисерот кој пред мечот важеше за трет фаворит за титула по Надал и Федерер.

Ништо помалку вреден резултат и за Денис Шаповалов. Три недели по победите над Хуан Мартин дел Потро и над Рафаел Надал на „Роџерс куп“ во Монтреал, Канаѓанецот со нов голем резултат во сезоната и кариерата за потврда на добрата форма во која се наоѓа. Шаповалов овојпат беше подобар од Жо Вилфред Цонга со 6:4, 6:4, 7:6 за дуел со Британецот Кајл Едмунд за осминафинале на Ју-Ес опен.

Порази во второто коло доживеаја уште двајца носители во машка конкуренција. Паоло Лоренци му пресуди на Жил Милер од Луксембург (19 носител) со 6:7, 6:3, 7:6, 6:3, а Французинот Никола Мау го доби мечот со Алберт Рамос Винолас (20 носител) со 4:6, 6:4, 4:6, 6:3, 6:0.

Американскиот гренслем продолжува без две фаворитки и на женскиот дел од турнирот. Екатерина Макарова ја совлада петтата носитека, Каролина Возњацки од Данска со 6:2, 6:7, 6:1 додека во три сета и Американката Слоун Стивенс ја елиминира Доминика Цибулкова (11 носителка) со 6:2, 5:7, 6:3.

Пласман во третото коло обезбедија Гарбиње Мугуруза (3 носителка) која ѝ препушти четири гема на Кинеската Јинг Јинг Дуан (6:4, 6:0), потоа Венус Вилијамс (9 носителка) по триумфот над Доди од Франција со 7:5, 6:4, Петра Квитова (13 носителка) по победата против Французинката Корне со 6:2, 6:1 како и Марија Шарапова која со пресврт ја совлада Тимеа Бабош од Унгарија со 6:7, 6:4, 6:1.

Ју-ЕС опен – натпреварувачки ден 3

Жени, 2 коло

Мугуруза (3, Шпанија) – Дуан (Кина) 6:4, 6:0

Макарова (Русија) – Возњацки (5., Данска) 6:2, 6:7, 6:1

В. Вилијамс (9., САД) – Доди (Франција) 7:5, 6:4

Стивенс (САД) – Цибулкова (11., Словачка) 6:2, 5:7, 6:3

Квитова (13., Чешка) – Корне (Франција) 6:2, 6:1

Севастова (16., Летонија) – Козлова (Украина) 6:4, 6:4

Гарсија (18., Франција) – Александрова (Русија) 4:6, 6:3, 6:0

Векиќ (Хрватска) – Пенг (22., Кина) 6:0, 6:2

Суарез Наваро (Шпанија) – Лучиќ Барони (29., Хрватска) 4:6, 7:6, 6:2

Гергес (30., Германија) – Женг (Кина) 6:2, 6:1

Рибарикова (31., Словачка) – Кр. Плишкова (Чешка) 7:6, 7:6

Шарапова (Русија) – Бабош (Унгарија) 6:7, 6:4, 6:1

Кенин (САД) – Викери (САД) 6:3, 4:6, 7:6

Барти (САД) – Саснович (Белорусија) 6:1, 7:6

Круниќ (Србија) – Томљановиќ (Австралија) 6:3, 6:2

Сакари (Грција) – Ар. Родионова (Австралија) 7:5, 6:3

Мажи, 2 коло

Чориќ (Хрватска) – А. Зверев (4., Германија) 3:6, 7:5, 7:6, 7:6

Чилиќ (5., Хрватска) – Маер (Германија) 6:3, 6:3, 6:3

Шаповалов (Канада) – Цонга (8., Франција) 6:4, 6:4, 7:6

Изнер (10., САД) – Чунг (Ј. Кореја) 6:3, 6:4, 7:5

Карено Буста (12., Шпанија) – Нори (В. Британија) 6:2, 6:4, 6:3

Пуе (16., Франција) – Доналдсон (САД) 7:5, 6:4, 4:6, 3:6, 6:4

Квери (17., САД) – Села (Израел) 6:4, 6:1, 6:4

Лоренци (Италија) – Милер (19., Луксембург) 6:7, 6:3, 7:6, 6:3

Мау (Франција) – Рамос Винолас (20., Шпанија) 4:6, 6:4, 4:6, 6:3, 6:0

М. Зверев (23., Германија) – Пер (Франција) 6:3, 6:2, 3:6, 6:7, 7:5

Андерсон (28., Ј. Африка) – Гулбис (Летонија) 6:3, 7:5, 6:4

Шварцман (29., Аргентина) – Типсаревиќ (Србија) 6:2, 6:4, 7:5

Едмунд (В. Британија) – Џонсон (САД) 7:5, 6:2, 7:6

Албот (Молдавија) – Лу (Тајван) 6:2, 7:6, 5:7, 0:6, 7:6

Кукушкин (Казахстан) – Донској (Русија) 6:4, 6:4, 7:5

Фабијано (Италија) – Томпсон (Австралија) 2:6, 6:2, 3:6, 6:4, 6:2