Хероите никогаш не умираат, тие вечно живеат во нашите животи, е пораката што ја истпрати министерот за внатрешни работи Наќе Чулев, на одбележувањето на 19 годишнината од загинувањето на бранителите кај тетовското село Вејце.
Тој, заедно со дополнителниот заменик министер за внатрешни работи Славјанка Петровска и директорот на Бирото за јавна безбедниост Сашо Тасевски, денеска во Битола, пред споменикот „Ангел“ положија цвеќе во знак на почит за херојската смрт на четворицата припадници на Посебната единица при СВР Битола – Марјан Божиновски, Илче Стојановски, Кире Костадиновски и Бошко Најдовски, како и на четворицата припадници на армиската единица „Волци“ – Роберт Петковски, Бобан Трајковски, Игор Крстевски и Миле Јаневски кои ги загубија животите во одбрана на татковината на денешен ден во 2001 година.
На комеморативното одбележување на нивната смрт учествуваа и претставници на локалната самоуправа на Битола, на политичките партии како и на семејствата на загинатите бранители.
Министерот Чулев во обраќањето нагласи дека МВР, во рамки на своите можности ќе остане отворено за семејствата на загинатите бранители, за бранителските организации, секогаш да им излезе во пресрет на нивните барања и потреби.