Дали треба старосната граница за пенизонирање да се зголеми на 67 години?

Старосната граница за пензионирање треба да се зголеми на 67 години, велат од Фискалниот совет!

Дали треба? Што велат работниците? Што вели власта! Што вели опозицијата? Се разви дебата изминатите денови.

Освен Фискалниот совет никој друг не е за зголемување на возрасната граница! Но, што е причината за ваквата одлука на Фискалниот совет? Тоа е особено важно! Популистички Власта може да излезе со секакви изјави, но претходно треба да направи анализа зошто Советот ја дал оваа препорака?

Што велат од ПИОМ?

“Во 2017 година, дефицитот беше над 43%, но откако беше донесена Методологијата пензиите да растат во зависност од растот на просечната плата и трошоците за живот во 2022 година, дупката почна да се намалува и стигна до 33%”– објасни Никола Мемов, директор на Фондот за ПИОМ.

Со ова се дава признание на добрите политики, на праведните политики на СДСМ во 2022 година, а преќутно или меѓу редови се укажува на популизмот последните 5 месеци. И од власта против власта!

Зголемување на возраста за пензионирање не е решение во моментот. Има многу други решенија кои ќе дадат резултат. Најпрво да се посветиме на зголемување на платите во сите сектори, на подобрување на животниот стандард, на сузбивање на сивата економија па кога ќе го достигнеме развојот на европските земји а воедно и на зголемување на животниот век на граѓаните од нашата држава, е тогаш може да разговараме за зголемување на старосната граница за пензионирање.

Но секако треба да се следат трендовите и ништо да не е нагло, наеднаш, туку постепено. Да ги следиме примерите на земјите од соседството. Ама најважно е да се има сенс! Но за жал, ова власт тоа го нема! Освен сенс за популизам! За ситни политички поени, макар на штета на системот!