Шефот на демократите во Претставничкиот дом на САД Ненси Пелоси го повика министерот за правда Џеф Сешнс да поднесе оставка откако Вашингтон Пост откри дека лани, во текот на изборната кампања, два пати се состанал со рускиот амбасадор во Вашингтон Сергеј Кисљак. И тоа не ги кажал во текот на неговото именување во Сенатот како министер.
Средбите се одржале пред стапувањето на должност на американскиот претседател Доналд Трамп.
Освен за оставка на министерот, кој е и главен обвинител на САД, Пелоси повика и на независна двопартиска истрага за врските на Трамп со Русија.
Ова фрла нова сенка врз администрацијата на претседателот Доналд Трамп кој демантира дека имал контакти со Русија.
Белата куќа потврди дека Сешнс имал состаноци, но оти со тоа не направил ништо лошо, оценувајќи дека откритето на „Вашингтон пост“ бил нов напад на демократите врз администрацијата на Трамп.