Демократскиот сојуз бара од претседателот на Собранието Трајко Вељаноски да свбика вонредна седница на Парламентот.
– Со одлагање на изборите и свикување седница на Парламентот ќе се создадат услови за институционално да се отворат сите прашања сврзани со изборите, како и за самоволието на Ѓорге Иванов, се наведува во соопштението.
Од Демократскиот сојуз сметаат дека „врз основа на анализата за обемот на сомнителните гласачи (над 300.000 ), како и досега завршените вкрстени проверки, повеќе од сигурно е дека ДИК не успеа да го прочисти избирачкиот список, како еден од најбитните услови за одржување на изборите и спречување на можностите за повторување на изборниот фалсификат од помилуваните со одлуката на Ѓорге Иванов“.
– Со вкрстените проверки ниту еден фантомски гласач не е отстранет од избирачкиот список, туку за тоа треба управна постапка, а иста е состојбата и за тие што се иселиле од Македонија, како и ново креираните гласачи, велат од Демократскиот сојуз.
Демократскиот сојуз очекува Државната изборна комисија денеска да ја информира јавноста дали има услови за избори или не.