Денеска ќе се одржи последната работна средба помеѓу Самостојниот синдикат за образование, наука и култура (СОНК) и Министерството за образование и наука закажана од овластениот помирувач
Средбата ја потврди претседателот на СОНК, Јаким Неделков на својот Фејсбук профил, а истата ќе се одржи преку Зоом апликација во 18 часот.
Тој додава дека за исходот од преговорите јавноста ќе биде благовремено информирана преку соопштение.
Синдикатот штрајкот го стави во мирување на 28 април откако доби известување од Министерството за труд и социјална политика дека Министерството за образование и наука пристапува кон мирно решавање на спорот. Максималниот рок на мирното решавање на споровите е 20 дена, а првичниот рок е 10 дена, кои истекуваат е денеска.
„Доставивме барање, иницијатива до МОН за исптлата на дневници врз основа на колективен договор, имаме основ за таа работа и скоро сме сигурни дека ќе бидат исплатени во дејноста образование. За жал имаме проблем во МТСП со детска заштита, има навистина сериозен проблем каде што еве до ден денес нема сигнал дека таму ќе бидат исплатени дневниците, може да биде сериозен проблем во нарушување на процесот на преговори“, изјави претходно претседател на Синдикатот.
Просветните работници бараа покачување за 18 отсто, а властите ветија 12 отсто, но договор засега нема.