Собранието денеска ќе ја продолжи расправата за разрешувањето на јавниот обвинител Марко Зврлевски, која беше прекината пред десетина дена. Оваа точка од дневниот ред на шестата собраниска седница е на предлог на Владата.
Опозициските пратеници не го поддржуваат владиниот предлог и сметаат дека Зврлевски добро си ја врши работата јавен обвинител. За збор за оваа точка од дневниот ред пријавени се голем број пратеници.
Владата смета дека Зврлевски работел незаконито, ненавремено и недоволно стручно си ја вршел функцијата.
Пред започнувањето на шестата собраниска седница, Собранието треба да ги заврши и заостанатите две точки од петата и осмата седница – извештајот за работата на Агенцијата за администрација за 2016 година и именување на тројца заменици на генералниот секретар на Собранието.