Претседателот на Европскиот совет, Доналд Туск потврди дека добил писмо од британскиот премиер Борис Џонсон во кое се бара одложување на Брегзит за што се најавени консултации со лидерите на Европската Унија.
Џонсон официјално побара од ЕУ да се пролонгира Брегзит, но во исто време испрати и писмо во кое посочува дека тој лично е против одложувањето на излегувањето на Велика Британија од ЕУ.
Британските пратеници со 322 гласови „за“ и 306 „против“, вчера го изгласа амандманот на пратеникот Оливер Летвин, со кој се пролонгира гласањето за договорот за Брегзит, што Џонсон во четвртокот го усогласи со ЕУ. Со амандманот на Летвин се обезбедува Џонсон да не може да го спроведе Брегзит на 31 октомври.
Во меѓувреме, председавачот на Долниот дом на британскиот Парламент, Џон Беркоу изјави дека в понеделник ќе донесе одлука дали ќе дозволи на Владата да го стави на гласање договорот за Брегзит на премиерот Џонсон.
Во Парламентот има правило дека исто прашање не може двапати да се стави на гласање во текот на иста седница.