Published: Wednesday, July 15, 2020 10:00
Одзивот до 9 часот, според податоци од 2.326 избирачки места, е 5,19 отсто или своето право на глас во воведните два часа од изборнот ден го искористиле 94.167 граѓани, соопшти портпаролот на Државната изборна комисија (ДИК), Адмир Шабани на денешната прва прес-конференција. Најголем одзив, како што потенцира тој, е забележан во изборна единица 1 кој изнесува 6,58 отсто, при што предничи скопски Аеродром со 10,13 отсто.
„Сите избирачки места биле отворени во 7 часот и гласањето тече непрекинато“, додаде Шабани кој потсети дека гласачките места ќе бидат затворени во 21 часот.
Право на глас на овие предвремени парламентарни избри имаат 1.814.263 милион граѓани. Во текот на изминатите денови, ДИК спроведе гласање на посебни категории гласачи (лиза заболени со Ковид-19 во изолација и во самоизолација, болни, хронично болни, изнемоштени, лица во домашен притвор, затвореници и лица кои се водат како внатрешни раселени). Останатите гласачи денеска ќе можат да го остварат своето право на глас на 3.480 избирачки места.
Шабани повтори дека вкупно 723 граѓани го остварија своето право на глас како гласачи кои се позитивни на Ковид-19 и се наоѓаат во изолација или самоизолација. На гласачките места во 13. казнено-поправни установи, од запишаните 1.657 гласачи, своето право на глас го искористиле вкупно 1.272 затвореници или 76,76 отсто. Во единствениот Центар за внатрешно раселени лица, каде шест лица можеа да го остварат своето право на глас, не излегол ниту еден еден од нив.
Од вкупно 8.852 гласачи кои се пријавиле да гласаат како болни и немоќни, гласале вкупно 8.325 гласале или 94,04 отсто. Во 17. установи, пак, за вонсемејна грижа, од вкупно 357 запишани гласачи, гласале вкупно 234 гласачи или 80,62 отсто, информира Шабани.