Со шест гласа  за и три против, членовите на Државна изборна комисија го усвоија приговорот на БЕСА и донесоа одлука да се прегласа во гласачкото место 0396/1 во Гостивар.

Оваа одлука на ДИК доаѓа, откако графологот кој го вештачеше потписот на Фатиме Сулејмани и потврди дека некој гласал наместо Сулејмани.

Против прогласување гласаа членовите предложени од ВМРО-ДПМНЕ Силвана Бонева и Сашко Срцев и независниот член Атанас Урумов.

Во неделата на ова избирачко место гласале 450 од запишани скоро 900 гласачи. Разликата во целата 6-та изборна единица е 306 гласа, а во ова гласачко место СДСМ води пред ВМРО-ДПМНЕ со 102 наспроти 74 гласови.

Со прегласување во избирачките места во оваа изборна единица, СДСМ ако добие повеќе гласови може да му земе еден пратеник на ВМРО-ДПМНЕ.

Инаку, Основното јавно обвинителство – Гостивар по допрен глас денеска оформил предмет и за наводите изнесени на вчерашната седница на Државната изборна комисија за гласањето на изборното место 0396/1 во Гостивар, за тврдење на едно лице дека му било оневозможено правото да гласа бидејќи некој претходно гласал во нејзино име, соопштија од јавното обвинителство.

„Надлежниот обвинител ги проверува наводите на гласачката во врска со дадените тврдења, односно дали таа била оневозможена да гласа затоа што претходно некој во нејзино име се потпишал во избирачкиот список или дали таа претходно сама го реализирала нејзиното право на глас. Предмет на проверка е и дали некој ги употребил нејзините документи со нејзина дозвола“, пишува во соопштението на обвинителството. ​

Вчера на седница на Државната изборна комисија, на која се разгледуваа приговорите поднесени од политичката партија, претставник на БЕСА образложи дека партијата поднела приговор затоа што на избирачко место во Гостивар  на еден гласач му било оневозможено да гласа, затоа што веќе некој гласал во нејзино име.

„Кoгa oтидoв дa глaсaм ми рекoa декa не мoжaм дa глaсaм, зaтoa штo нa мoетo местo веќе имaлo пoтпис. Тoa не беше мoјoт пoтпис”, рече Фатиме Сулејмaни пред ДИК.

Членoвите нa избирaчкaтa кoмисијa пред ДИК сведочеа дека декa пoтписoт нa избирaчкиoт списoк се сoвпaѓaл сo oнoј вo личнaтa кaртa нa женaтa.