Министерството за надворешни работи денеска ќе испрати нота до грчкото МНР дека Договорот е ратификуван во Собранието, потврдија за НОВА владини извори.
Потоа грчките власти ќе достават известување до Европскиот совет дека повеќе нема пречки за евроинтегративниот процеси во земјава.
Во меѓувреме, претседателот на Собранието Талат Џафери го потпиша и го достави Законот за ратификација на Договорот на потпис кај претседателот. Иванов има рок од седум дена да одлучи дали ќе го потпише Договорот, но во овој случај неговиот потпис нема да го пролонгира известувањето од Грција до ЕУ.
Ѕанакопулос: Нова демократија и ВМРО ДПМНЕ играат на погрешна карта
Портпаролот на грчката Влада Димитрис Ѕанакопулос на денешниот брифинг оцени дека со Договорот потпишан во Преспа, двете земји започнуваат нова ера на пријателство и соработка во меѓусебните односи и на Балканот како целина.
-Парламентот на соседната земја со денешната ратификација, го презема првиот од чекорите за стапување на сила на овој Договор. Во овој Договор меѓународната заедница застана на страната на двете земји, кои ставија крај на судирот што многу ги чинеше двете земји. За грчката Влада, Договорот претставува акт на оговорност и патриотизам која ја враќа историската реалност и одговара на потребите на грчкиот народ, кој во најголем дел отсекогаш сакал мирен соживот и соработка со сите балкански земји, изјавил Ѕанакопулос, пренесе грчката државна телевизија ЕРТ.
Тој додаде дека потписниците на Договорот имаат заедничка основа и заеднички аргументи, додека Нова демократија и ВМРО ДПМНЕ, како што рече, не само што ја игнорираат својата историска одговорност за тоа што го оддолжувале проблемот, туку денес, под влијание на десничарските групи во нивните редови, се обидуваат да одиграат на својата последна карта: картата на поделба на наводни патриоти и предавници.
Ферид Мухиќ не дојде на седницата
Собранието со 69 гласови „За“ го ратификуваше Договорот со Грција. Пратениците на ВМРО ДПМНЕ не беа во салата кога се гласаше и не усчетвуваа во дискусијата за да не бидат дел од „носењето на штетен и капиталантски договор за Македонија“
Во салата не беше ниту пратеникот од владеачкото мнозинство Ферид Мухиќ. Мухиќ вчера гласаше против предлогот за Договорот да се гласа по скратена постапка. Тој рече дека гласал „против затоа што бил против Договор со Грција – став што не го променил 27 години“.
Парламентарното мнозинство со аплауз го поздрави веста што ја соопшти премиерот Заев пред самото гласање дека Североатлантскиот совет донел политичка одлука, поканата за НАТО за Македонија да биде ставена на дневен ред на самитот.
Од ВМРО ДПМНЕ не присуствуваа на седницата и најавија дека ќе побараат толкување од Венецијанската комисија за за утврдување на правната природа на истиот договор.
Заев, во воведното обраќање рече Договорот го гарантира македонскиот јазик и идентитет кои сега ќе бидат признати од целиот свет. Тој ги повика граѓаните да го подржат Договорот.
-Европското семејство не проифаќа како Македонци. Добиваме уште еден пријател и стратешки партнер, ја гарантираме стабилноста и безбедноста на Макеоднија, го отвораме патот кон ЕУ и НАТО. Се остварува стремежот на предците да бидеме признаени од сите како Македонци кои зборуваат македонски јазик. Ова е историски чин со која Македонија и граѓаните добиваат шанса, рече премиерот Зоран Заев.