Министерот за надворешни работи, Никола Димитров соопшти дека денеска попладне претставник на македонското МНР доставил македонска нацрт-спогодба до грчкото Министерството за надворешни работи, која како што рече интензивно е подготвувана изминативе денови.
Тој рече дека изминатите денови ја добиле грчката нацрт-спогодба и со ова комуникацијата која досега беше низ устен дијалог влегува во фаза на пишани документи.
-Убедени сме дека целта е да се најде одржло и достаоинствено решение, да се најде разумна дистинкција меѓу нашата држава Македонија и регионот Македонија во Грција, а тоа е можно. Ја очекуваме посетата на мојот колега Никос Коѕијас во четврток, кој ќе има активни средби во петок и следната недела на 30 март ќе имаме прилика ние двајцата министри под покровителство на ОН со посредство на медијаторот Метју Нимц да ги продолжиме разговорите во Виена, изјави Димитров на прес конференцијата.
Одговарајаќи на прашањето на НОВА, колку се различни содржините на предлозите од двете страни, Димитров посочи дека грчката во моментов е на анализа, но од она што можел да го забележи, сепак има разлики кои пак ќе треба да се надминат наскоро во Виена кога двајцата шефови на дипломатиите на своите земји ќе се сретнат со преговарачот Метју Нимиц.
Димитров потенцираше дека решение е можно, доколку и двете страни мислат на иднината, а аргументите од македонската нацрт-спогодба, очекува да имаат значително влијание во процесот кој се води за надминување на разликите.
Впрочем, како што рече министерот Димитров, ако по нешто е препознатлива македонската дипломатија во моментов во Европа, е дека се соочува со проблемите и ангажирано пробува да ги реши.