Премиерот Зоран Заев, заедно со Ерик Ското, претседател на француската компанија „Акуо Енерџи“ како и францускиот амбасадор Сирил Бомгартнер, ќе се обратат по повод реализацијата на стратешкиот инвестициски проект „Соларен парк Стипион“.

Проектот е со капацитет за производство на електрична енергија од 350 до 400 мегавати (MW). Проценетата инвестиција се очекува да биде околу 270 милиони евра и се проценува дека е прва од ваков вид на Балканот и воедно најголема.

Владата на седница на 23-ти минатиот месец донесе Одлука за утврдување статус на стратешки инвестициски проект на Друштво за производство на електрична енергија „ОСТРО СОЛАР“ – Скопје. Преку оваа компанија   „Акуо Енерџи Сас Париз“ ќе ја реалзизира инвестицијата за изградба на „Соларен парк Стипион“.