Ден по вербалниот напад врз Новак Ѓоковиќ, Ник Кирјос со физички испад што го чинеше дисквалификација на Мастерсот во Рим. Австралискиот тенисер во еден момент во мечот од второто коло против Норвежанецот Каспер Руд почна да удира со рекетот во подлогата, шутира и фрла шишиња и столчиња, а ги навредуваше и судиите.
„Сигурно не сум единствен кој смета дека треба да биде суспендиран на најмалку шест месеци“, рече Руд по дивеењето на Кирјос во италијанската престолнина.
https://www.youtube.com/watch?v=I75FM7Vg1Rc
Главниот судија во мечот веднаш го дисквалификува Кирјос, одлука што ја потврдија и од АТП. Австралиецот притоа ќе остане без целокупната заработувачка што треба да ја добие за настапот во Рим, но и сите поени што ги освои. Згора на тоа ќе треба да плати и казна од 20.000 евра.