Во вчерашниот извештај за состојбата со Ковид-19 во земјава беа запишани 141 нов случај од направени 2.006 тестирања, четири починати и 93 оздравени. Во исто време на глобално ниво, до вчера, се регистрирани најмалку 21.224.070 милиони инфицирани лица и 760.739 починати.
Од новите 141 новозаболени со коронавирус во земјава, 51 е од Скопје, 19 од Куманово, 16 од Струга, 15 од Штип, по шест од Прилеп и од Тетово, четири од Битола, по два од Велес, од Виница, од Гостивар, од Дебар, од Кичево, од Македонски Брод, од Охрид, од Пробиштип и од Свети Николе и по еден од Берово, од Гевгелија, од Делчево, од Кавадарци, од Неготино и од Радовиш.
Во болнички услови почина четири пациенти – два од Скопје на возраст од 54 години, односно 55 години и по еден од Кавадарци на возраст од 69 години и од Свети Николе на возраст од 70 години. Институтот за јавно здравје (ИЈЗ) регистрира 93 оздрвени пациенти и тоа од Штип – 33, од Скопје – 25, од Кичево – 11, од Тетово – 10, од Битола – 7, од Велес – 2, од Демир Хисар – 2, од Македонски Брод – 1, од Прилеп – 1 и од Пробиштип – 1.
Вкупната бројка на ковид дијагностицирани лица во земјава од почетокот на епидемијата изнесува 12.653, бројот на оздравени пациенти е 9.123, а на починати е 539.
Во моментот во земјава има 2.991 активен случај на Ковид-19 од кои 1.007 во Скопје, 275 во Штип, 266 во Гостивар, 262 во Куманово, 187 во Струга, 152 во Тетово, 106 во Кавадарци, 80 во Охрид, 75 во Битола, 67 во Дебар, 66 во Свети Николе, 49 во Македонски Брод, 41 во Виница, 37 во Прилеп, 34 во Кочани, 32 во Демир Хисар, 28 во Велес, 20 во Струмица, 19 во Пробиштип, 11 во Неготино, 10 во Гевгелија, по девет во Радовиш и во Ресен, осум во Берово, пет во Крива Паланка, по три во Делчево и во Кратово и по два во Валандово, во Крушево и во Пехчево.
До вчера на Инфективната клиника во Скопје вкупно беа хоспитализирани 78 пациенти од кои 41 добиваат кислородна поддршка, а ниту еден нема на механичка вентилација. Во болницата во Козле се хоспитализирани 17 возрасни пациенти и шест деца позитивни на вирусот, а во ГОБ „8 септември“ се лекуваат 75 пациенти од кои четири се приклучени на респираторна машина. Во болницата во Битола се хоспитализирани 17 пациенти, а во болницата во Штип 43. На инфективните одделенија во Тетово, во Охрид, во Велес, во Куманово, во Прилеп, во Гостивар, во Струмица и во Струга се хоспитализирани 118 пациенти позитивни и сомнителни на Ковид-19.
До вчера во светот беа регистрирани најмалку 21.224.070 милиони случаи на инфицирани од коронавирусот во 196 земји и територии, досега се оздравени 12.988.000 милиони, а починале најмалку 760.739 лица.
Поради новиот бран на коронавирусот, напорите за борба против инфекцијата се удвоени низ целиот свет, а многу земји воведоа и дополнителни ограничувања. По олеснувањето на мерките во почетокот на летото, многу земји сега воведуваат задолжително носење заштитна маска дури и на отворено. Во Брисел, од средата е задолжително носење маска, додека во Париз од вчера е проширен списокот со окрузи каде што мора да се носат маски.
Велика Британија вчера воведе 14 дневен карантин за патниците од Франција, од Холандија и од Малта, одлука што е донесена на помалку од еден месец по олеснување на рестриктивните мерки.