Што се однесува до материјално- финансиските поткрепи, треба да одбиете секаков вид на милост од одговорните за катастрофата, а тоа е власта и државата и да барате оштета. Државата треба да ви плати за жртвите што ви ги предизвикала.
Бранко Тричковски
Јас им препорачувам на родителите на изгорените младинци во кочанската шупа да не одат на средба со премиерот.
Прво, средбата во оваа време значи дека жртвите, нивните родители и нивната болка се ставени на последното место на премиерската агенда. Зад Гази баба, зад Јапонија и зад милион интервјуа и безвезни изјави. Тоа е, нека не се сомневаат, свесно истоштување и на родителите и на јавноста и отворен обид со истоштување и презир кон состојбите да се спушти опасноста за премиерот за неговите луѓе и за неговата власт од ширењето на гневот. По убиството на младинците, веднаш се пристапи кон убиство на гневот и тој масакар се уште трае.
Второ, посетата би била точно на таа линија на власта: потчинување на болката и на жртвите, на одговорните за трагедијата.
Трето, посетата би била учество на жртвите и нивните блиски во најновиот пропаганден спот на Мицкоски и на вмро. Тоа би било тотално обесчестување на мајките и татковците и на сета родбина и другарство на загинатите.
Што се однесува до материјално- финансиските поткрепи, треба да одбиете секаков вид на милост од одговорните за катастрофата, а тоа е власта и државата и да барате оштета. Државата треба да ви плати за жртвите што ви ги предизвикала. Големи пари, за големата трагедија. Да ги испоапси одговорните, а не тие што пред толку години потпишувале или фалсификувале некакви лиценци, туку актуелни актери од позорникарите во шупата до министерот и премиерот на нивото на објективна одговорност. Веднаш, значи без прикаски дека истрагата е во тек. Во тек се беспризорните обиди за заташкување и како што реков истоштување. Работи што се прават според учебникот на другатот Конрад а и на други “научници” за совладување на општите расположенија по вакви трагедии.
И, конечно, заедно со оставките, да ви се извинат.
На вас.
Па на цела Македонија.
Од Фејсбук ѕидот на авторот