Published: Thursday, May 16, 2019 21:52
Трансфер на кариерата за Лука Јовиќ. Српскиот фудбалер е нов член на Реал Мадрид, јавува британски „Скај“. Досегашниот играч на Ајнтрахт Франкфурт ќе потпише петгодишен договор со „кралскиот“ клуб за сума од 60 милиони евра што го прави најплатен играч кај северниот сосед.
Заработка од трансферот ќе има и Бенфика. На португалскиот клуб му припаѓаат 12 милиони евра од зделката меѓу Јовиќ и Реал Мадрид. Србинот во оваа сезона во дресот на Ајнтрахт Франкфурт постигна 27 гола во 45 меча во сите натпреварувања. Со бундеслигашот играше и полуфинале во Лига Европа во кое беше елиминиран од Челзи на пенали.
Јовиќ е второ освежување во составот на Зинедин Зидан по Милитао од Порто за сума од 50 милиони евра.