Иванка Трамп, ќерката на новоизбраниот претседател на САД, Доналд Трамп, би можела да биде именувана за американска амбасадорка во Токио, пишуваат јапонските медиуми.

Оваа теза доаѓа поради тоа што токму Иванка присуствуваше на првата средба на нејзиниот татко со надворешен претставник, кога се сретна во Њујорк со премиерот на Јапонија, Шинзо Абе.

Американските медиуми се уште немаат официјална информација во кое својство присуствувала Иванка Трамп.

– Ретко кога член од семејството присуствува на официјални средби, дури и кога се од неформален карактер но не треба да не изненади ако и таа се занимава со политика, вели експертот за меѓународни односи од Јапонија, Јошинобу Јамамото.

Јапонските медиуми пишуваат дека Иванка би ја заменила амбасадорката на САД во Токио, Керолин Кенеди која е ќерка на Џон Ф. Кенеди.