Натпреварот помеѓу Данска и Финска е прекинат во 43. минута поради драматична сцена на теренот, откако фудбалерот на Интер, Кристијан Ериксен без никаква причина се струполи на теренот.
Медицинската екипа веднаш втрча на теренот, а информациите од данската престолнина велат дека му се укажува вештачко дишење. Сите се со рацете на главата и никој не знае каков ќе биде конечниот епилог.
Играчите на теренот направија жив штити околу телото на Ериксен за да спречат камерите да снимаат што се случува, но од кадрите можеше да се забележи дека лекарите се обидуваат да го реанимираат данскиот фудбалер.
Ериксен на носилки беше изнесен од теренот, а натпреварот е во прекин. Ериксен според сите информации, кои засега не се потврдени официјално, тој се бори за својот живот.