ДУИ почнува консултации со албанските партии за документот од Заев

Али Ахмети вечерва на Зијадин Села ќе му го презентира документот доставен од Зоран Заев, потврди Арбен Таравари од ДР-ДПА, јави ТВ 21.

Средбата Ахмети и Села, според Телевизијата, се очекува да биде одржана во штабот на Движењето за реформи – ДПА во Тетово. Засега во тајност е содржината на документот кој лидерот на ДУИ го бараше од првиот човек на СДСМ, но извори од Бихаќка за ТВ 21 велат дека документот „овозможува брзо и непречено собирање на потписите потребни за формирање на влада предводена од Заев“.

Од БЕСА пак рекле дека до нив се уште нема покана од Демократската унија за интеграција, но и да пристигне тие остануваат на ставот дека нема да седнат на заедничка маса со Али Ахмети.