Published: Thursday, October 6, 2016 10:35
Ова меѓудругото го истакна трофејниот српски кошаркарски тренер во интервју за грчка телевизија
„Да не беше војната, кошаркарската репрезентација на поранешна Југославија можеше да го победи американскиот „дрим-тим“ на САД на Игрите во Барселона во 1992 година“, рече меѓудругото Душан Дуда Ивкковиќ во интервју за грчка телевизија.
Трофејниот српски тренер говореше за својот живот, за кариерата, а се осврна и на тогашниот државна селекција за коа верува дека имала капацитет за триумф над Американците да не беа санкциите. Дури, смета тој, и без хрватските и словенечките играчи.
„Верувам во ова што го велам. Додека други кошаркари се фотографираа со американскки ѕвезди како Џордан и останатите, ние работевме напорно за тој натпревар. Верувам дека можевме да ги победиме“, коментира Ивкови кој во јули оваа година и официјаално ја заврши професионалната тренерска кариера.
Последните две години ги мина на клупата на Анадолу Ефес. Можеби во таа репрезентација на Југославија ќе ги немаше Дражен Петровиќ, Дино Раѓа, Тони Кукоч меѓутоа Ивковиќ смета дека Владе Дивац, Александар Ѓорѓевиќ, Жарко Паспаљ и останатите можеа да испишат историја. Незаобиколна тема во разговорот беа сите кошаркарски репрезентативци на поранешната држава, пред се покојниот Дражен Петровиќ. Но, Ивковиќ не издвои ниту еден посебно.
„Дражен беше гоолем работник. Ако тренингот почнуваше во осум наутро, тој доаѓаше пола час порано и беше подготвен во секој момент да учи и работи. Не можам, сепак, да издвојам ниту еден од играчите, сите и беа како деца“, заклучи Ивковиќ на темата „кошаркарска репрезентација на поранешна Југославија“.