Две камери го снимаат судењето на Груевски за „Шамарите во Центар“

Две камери денеска го снимаат судењето за случајот „Насилство во Центар“, во кој обвинет е лидерот на ВМРО-ДПМНЕ, Никола Груевски, ексминистерот за транспорт и врски Миле Јанакиески, пратеничката Даниела Рангелова и уште единаесет лица.

Како што објасни судијката Татјана Михајлова, судењето се снима со две рачни камери, но само визуелно, а не и тонски.

Кога судијката извести дека се снима, адвокатот на одбраната Димитар Дангов рече дека ако се снима судењето, тогаш не треба да се води записник на компјутер. Тој побара сите досегашни записници да бидат потпишани од сита странки, обвинители, обвинети и адвокати, бидејќи, како што рече, непотпишани немале важност.

Снимања на рочиштата побара одбраната во предметите „Траекторија“ и  „Тотал“.