Едно лице загина во Сицилија за време на прославата по повод европската титула што италијанската фудбалска репрезентација ја освои вчера по триумфот над Англија во Лондон, објавија денеска локалните медиуми. Полицијата соопшти дека жртвата е 22-годишно момче, кое загинало во сообраќајна несреќа брзајќи на време да стигне на прославата во гратчето Калтаџироне.
За време на шампионското славје низ улиците на Милано, повредени се најмалку 15 лица, од кои тројца потешко.
На југот на Италија, полицијата во градот Фоџа претпоставува дека платен убиец застрелал едно лице и побегнал на мотор искористувајќи го метежот предизвикан од прославата.
Локалните медиуми известија дека во оружениот инцидент тешко е повредено шестгодишно девојче, внука на застреланиот маж, кое со тешки повреди е пренесено во болница.
(Видео) Како се славеше во Рим по триумфот на Италија на ЕП 2020