Европската комисија не ги коментира условите кои денеска ги постави лидерот на СДСМ, Зоран Заев за учество на разговори во Виена, но повторува дека одлуката за аболиција од Ѓорѓе Иванов не е во согласност со европските стандарди за владеењето на правото.
– Не коментираме на индивидуални “услови“ на партиите. Комесарот Хан беше многу јасен кога рече дека аболицијата од претседателот „не е во согласност со неговото разбирање за владеење на правото“. Комесарот исто така беше јасен дека изборите мора да бидат кредибилни, изјави денеска портпаролката на еврокомесарот Јоханес Хан, Марија Коцијанчиќ.
Заев денес на прес-конференција соопшти дека неговата партија нема да учествува на лидерската средба во Виена со посредство на европски претставници, доколку претходно не бидат исполнети два предуслови.
– Иванов да ги повлече срамните одлуки за помилување по налог на Груевски и спротивни на Уставот и да се свика Собранието за да ја повлече одлуката за одржување на избори на 5 јуни се до исполнување на условите за одржување демократски, фер и кредибилни избори. Ако сакаат Иванов, Груевски и Вељаноски, одлуката може да се смени за два часа, порача Заев.
* ДУИ: Организаторите на „Виена“ да се произнесат за условите на Заев
* Димовски: Заев преку своите услови подготвува насилни сценарија