Порастот на антисемитски инциденти низ Европа достигна извонредни нивоа во последните неколку дена, потсетувајќи на најмрачните времиња во историјата. Европските Евреи денес повторно живеат во страв, стои во соопштението на ЕК, пренесе ЦИВИЛ Медиа.
Сведочиме оживување на антисемитски инциденти и реторика во Европската унија и во светот: фрлени молотови коктели врз синагога во Германија, ѕвездите на Давид испрскани врз станбени згради во Франција, еврејски гробишта осквернавени во Австрија, еврејски продавници и синагоги нападнати во Шпанија , демонстранти извикуваат слогани на омраза против Евреите.
Од Европската Комисија додаваат дека мора да се спречи овој овој пораст на антисемитизмот, како и порастот на антимуслиманската омраза во текот на изминатите недели – за која нема место во Европа.
Имаме моќни алатки на располагање за справување со вакви инциденти. Законите на ЕУ го криминализираат јавното поттикнување омраза и насилство и поставуваат заеднички пристап за справување со расистичкиот и ксенофобичен говор на омраза и злосторствата од омраза, потенцира ЕК.
Во соработка со земјите-членки, ќе продолжиме да ги засилуваме безбедносните мерки. Веќе го зголемивме финансирањето од ЕУ за заштита на местата за богослужба и другите простории и работиме на тоа да овозможиме поголема поддршка. Паралелно, го засилуваме спроведувањето на релевантното законодавство за да обезбедиме онлајн платформите да реагираат брзо и ефективно на антисемитска или антимуслиманска содржина на интернет, било да е тоа терористичка содржина, говор на омраза или дезинформации, уверува ЕК.
Наша заедничка одговорност како Европејци е да повикуваме омраза во сите нејзини форми и да се спротивставиме.
Подготви: Марта Пешевска