Премиерот Алексис Ципрас минатата недела го добил предлогот за договор во спорот за името помеѓу Атина и Скопје, за кој сигурни извори велат дека е сеопфатен, објавува Екатимерини.
Во предлогот, наводно, се вклучени седум точки, за кои двете земји во моментов преговараат, како и планот на Скопје за членство во меѓународни организации. Истите извори велат дека предлогот или ќе биде прифатен во целост како што е или ќе биде отфрлен.
Овие точки ја вклучуваат употребата името на Македонија, јазикот и националениот идентитет, пишува грчкиот весник.
Скопје во неколку наврати изјави дека нејзиниот идентитет и јазик “не се пренесуваат”, како што беше потврдено во неодамнешните коментари на Заев, кој рече дека решението мора да го заштити националниот идентитет и достоинството на двете страни.
Според најавите, грчкиот министер за надворешни работи Никос Коѕијас неделава треба да дојде во Скопје, при што на средбите ќе биде презентиран предлог договорот.
Премиерот Зоран Заев во интервју за германскиот магазин Шпигел ја отфрли можноста, компромисното решение за името да не може да се преведува на други јазици и да се користи во оригинална транскрипција, и денак не гледа причина за менување на Уставот.
На прес конференцијата со претседателот на ЕК Жан Клод Јункер викендов, Заев повтори дека за него е прифаливо име со географска одредница.
Во меѓувреме, од автопатот и од аероромот во Скопје беа отстранети натписите „Александар Велики“, што беше договорено на средбата на премиерите Заев и Ципрас во Давос. Од грчка страна беше укинато ветото за пример на Македонија во Јадранско јонската група.