Претседателот на Европската комисија Жан Клод Јункер денеска изјави дека забележал сериозен напредок на Македонија на својот пат кон ЕУ, којшто ја доближува земјата до Унијата.
На заедничката прес конференција со премиерот Зоран Заев, Јункер истакна дека некои од реформите постигнати изминатите години го зачудиле светот.
Тој порача дека Македонија е дел од ЕУ и со својата историја е дел од Европа. Изрази поддршка за Владата, особено за премиерот Заев, за кого рече дека ја подобрил репутацијата на нашата земја.
Јункер денеска во Скопје особено истакна дека во Македонија не доаѓа за да каже конкретен датум за членство на земјата во ЕУ, но дека ако продолжи по патот, во 2018 година на Советот на ЕУ ќе може да му покаже дека земјата е подготвена со својот значителен напредок да ги започне преговорите.
Воедно претседателот на ЕК порача дека ЕУ не е само економска заедница, туку и заедница на вредности.
Пред неговото кусо обраќање, премиерот Зоран Ззаев рече дека Стартегијата којашто ЕК ја подготви за Западен Балкан е знак дека иднината на Македонија е во ЕУ, а дека Македонија и денеска пред Јункер ја повторила својата евроатлантстка определба.
Заев рече дека ЕУ во Стратегијата ги препознава досегашните резулати и напредокот во реформите иизрази надеж дека во јуни годинава, Европскиот совет ќе донесе одлука за отпочнување на преговорите.
Тој се осврна на добрососедската политика која ја практикува новата влада и рече дека по Дооговорот со Бугарија, Македонија оди кон решение на проблемот којшто Грција го има со наштето уставно име.
Заев повтори дека за Владата е прифатлива географска одреднца која ќе ја издвои наштаа држава од грчкиот регион.
Во однос на името пак, Јункер рече дека не сака да додава ништо, туку дека нашата држава со грчките пријатели треба да го затвори ова прашање.
По средбата со Заев и состанокот на ниво на делегации, Јункер заминува за Албанија, која исто така е дел од неговата балканска турнеја.