Претседетелот на Турција, Реџеп Таип Ердоган, ја поврати контролата над владејачката партија, Партија за правда и развој, којашто тој ја основаше, што на најмоќниот човек во Турција ќе му даде дополнителен авторитет да поставува лојални јадри на листите на парламентите и партиските позиции ширум земјата, оценува „Блумберг“.
Десетина илјади симпатизери и раководството на партијата одржа вонреден конгрес на кој Ердоган ќе биде назначен за претседател на партијата.
Во областа каде што се одржува конкресот воведени се силни безбедноси мерки, пред се порани вонредната состојба која и натаму трае, а беше предизвикана поради неуспешниот државен удар во јули минатата година.
Турскиот весник „Хуриет“ јави дека на собирот со автобуси се донесени околу 60.000 луѓе од сите делови на земјата.
Меѓу приврзаниците на Ердоган, утрово избила тепачка, а причината била кој да има подобар поглед и да го види претседателот, а поради тоа безбедносните сили морале да користат бибер спреј за да ја смират толпата.
На конгресот на Партијата за правда и развој, ќе биде искористена можноста шефот на државата истовремено да биде и лидер на партијата, што е овозможено по референдумот на 16. април.
Според стариот Устав, тоа беше забрането. Ердоган повторно влезе во редовите на партијата на 2. мај.
Тој е единствен кандидат за лидер и ќе ја преземе партијата од актуелниот претседател Бинали Јиљдирими, на кој ќе му биде доделено новоформираното место на потпретседател.